يامدعي اني بحاجتك واتصالك
ما عاد لي في حاجه الحب وياك
شًتان بيني وبين حالي وحالك
ياللي تحسب الكبر كل يتمناك
تفرق كرامــه قلب ويًا جمــالك
واعز نفسي كل الايام وانهاك
يامســتهين بحبً قــلب بدالك
حبيت خــلً فالمــواقف تحـداك
لاشافني في ازمـه الحب هالك
قال ابشر بعزك ترى القلب يفداك
طاريــه مــن بـد المخــاليق نالك
ياللي خيالك واسـع ما تعـــداك
وش لي بخيالك دام هذا خيالك
الــورد يذبـل لا قطفــته بيــمناك
وش حيلتي دامك للاحلام مالك
مصير حلمك لاصحى العقل ينساك
اكذب عليك ان قلت كلي حلالك
واكذب عليك ان قلت ودي بلقياك
خلك على درب التغلي لحالك
قلبي تبرى من طريقك وممشاك
لا تحسب انك يوم تمشيه سالك
مالك أثر لو بين الوقت ماطاك
بقــــلمي /
