طريقة دراسستكك ,,, تجعل الدراسسهة وناسهه

السلام عليكم و رحمة الله و بركاته ..

احيانا نشعر بالملل من الدراسة ..

نرجع البيت و ما نراجع اللي اخذناه ..

أو نراجع عالسريع و نطوف اشياء مو فاهمينها ..

فيه طرق تجعل الدراسة وناسة ..

اللي انا اعرفه :

1- تعود انك تكتب على الدفتر و الكتاب كلمات ( سهل .. واضح .. بسيط ) .. مع تكرار قراءتك لهذه الكلمات و إيمانك فيها راح تحس انه فعلا المادة سهلة و واضحة و بسيطة ..
طبعا ممكن غير هالكلمات .. مثل ( انا قدها .. باذن الله الـ A باخذها .. A A A A .. انا شاطر .. إلخ )

و الابتعاد عن الكلمات السلبية ابتعااادااا كبيييرا .. مثل ( صعب .. يخرع .. شالمسألة المعقدة .. مادة مليقة .. إلخ )

لأن هذه الكلمات تصل إلى العقل الباطن .. لا تضحكون على هالحجي .. غيركم ضحك عليها و مع الايام تعود عليها و تغير مستواه الدراسي إلى الافضل ..

الكلمات سواء الإيجابية ( سهل .. واضح ) أو السلبية ( صعب .. يخرع ) راح توصل إلى العقل الباطن و راح يؤمن فيها عقلك و يعيش الدور ..

فا انت لما توصل لعقلك انه هالمادة صعبة و تخرع راح يعطيك عقلك الباطن رسالة بالابتعاد عن هالمقرر و ما راح تستوعبه ..

فا تعودوا على الكلمات الايجابية ..

و مهم انكم لا تقولون ( مو صعبة .. ما يخرع ) .. لا .. لا تذكرون الكلمات السلبية بكبرها حتى لو قبلها ( ما ) .. لأن هم راح توصل للعقل الباطن ..

تعرفون شعار ( لا للمخدرات ) .. ليش غيروه ؟ لأن كلمة المخدرات قامت تلفت انتباههم و تدخل العقل الباطن .. فا شالوها بكبرها ..

2- الكتابة بالدفتر بألوان مختلفة .. تجعل الصفحة شكلها احلى و تونس ..
و التخطيط بالكتاب بألوان مختلفة ايضا ..

3- الدراسة أول بأول عشان ما تتراكم الاشياء و تخلينا نهوّن عن الدراسة ! ..

4- اخذ اوقات استراحة تجدد النشاط .. لأن الكبت الكبت راح يخلينا نمل و ننفجر و نكشت بالدراسة Razz

..

5- التعرف على ناس يساعدون على الدراسة .. لأن فيه ناس يشجعون و يحمسون و يخلونكم تتحمسون زيادة و تحمسونهم فا فيه نوع من التعاون و الوناسة ..

و لكن للأسف فيه فئة من الناس تحب اتحبط الأوادم ! و اتصك الويوه امامهم .. اذا شافوا مادة صعبة يقولون لهم : لا اشتبي بهالمادة تجابل تدرس و اخرتها تاخذ C يا معود لا تدرس و اخرتها بتطلع D ما فرقت زود عن الدراسة .. و غيييرها من هالحجي الفاضي ..

6- كتابة عبارات دينية بالكتاب و الدفتر ( الله اكبر .. سبحان الله و بحمده .. الحمد لله .. استغفر لله .. سبحان الله العظيم ) ..

تعطي طابع حلوو للكتاب و الدفتر ..

7- قبل الدراسة ، اجعل نيّتك ان تدرس من أجل كسب العلم و من ثم الشهادة حتى تفيد أمتك الاسلامية و مجتمعك .. لأنك راح تساعد العديد من الناس بعلمك .. و اللي يساعد الناس له اجر عظيم .. فا لا تنسون النية الصادقة قبل الدراسة .. عشان طول دراستكم تاخذون اجر .. فرصة حلوة لكسب الاجر لا تطوفكم ..

هذي النقاط اللي حاليا في بالي .. لي تذكرت زيادة ان شاء الله راح اسجلهم في هذا الموضوع ..

و ماذا عنكم ؟؟ ..

و السلام عليكم و رحمة الله و بركاته ..